PURE ME PULE, MOLLE DHE KAROTA





Kjo pure i plotëson të gjitha kriteret që duhet të përmbajë një vakt i plotë i fëmijës tuaj, pasi ajo është e pasur me proteina nga mishi i pulës dhe e pasur me vitamina nga molla dhe karota. Ndërsa për aromën dhe shijen do të kujdeset kanella e cila do ta bëjë këtë pure shumë të veçantë.
Përbërësit:
  •  1 kraharor pule i prerë në copa copa;
  •  ½ molle e qëruar dhe prerë në copa copa;
  •  1 karotë e prerë në copa copa;
  •  Pak kanellë.
Përgatitja:
  1. Në një tenxhere zieni fort mishin e pulës.
  2. Më pas shtoni në të njëjtën tenxhere copat e mollës dhe të karotës dhe i lini të ziejnë së bashku për 5 minuta të tjera.
  3. I hiqni nga zjarri dhe i lini të ftohen paksa.
  4. Pastaj i kaloni përbërësit në një blender për 2 minuta.
  5. Në fund shtoni një lugë me ujë e kanellën, dhe vazhdoni t’i bëni pure dhe 30 sekonda të tjera.
E përshtatshme për fëmijë +8 muajsh.
Ruhet në mbajtëse hermetike  për 3 ditë në frigorifer  ose në ngrirje për 3 muaj.(pernenat.al)

Comments

Post a Comment

Popular posts from this blog

Image
KOS FRUTASH ME KAJSI Përbërësit 50 gr kajsi të pjekura mirë; 100 gr kos të bërë vetë në shtëpi; Biskota; 1 lugë mjalt nëse fëmija ka mbushur moshën. Përgatitja Krijoni një pure kajsish duke i shtypur pasi keni hequr lëkurën dhe i shtoni në kos duke i përzier. Nëse keni dëshirë shtoni 1 lugë biskotë të grirë. Nëse fëmija është pak më i rritur mund ta përgatisni me copa kajsish dhe mund të shtoni edhe mjaltin.(pernenat.al)
Read more
Image
PURE ME KAROTA DHE BANANE Pureja me karota dhe banane është një recetë për bebe shumë e lehtë për tu përgatitur. Madje bebet do ta pëlqejnë për shkak të ëmbëlsisë që ka. Por shija nuk ështe e vetmja gjë e mirë që kjo pure ofron për fëmijët tuaj, pasi edhe përfitimet shëndetësore janë të shumta. Karota ndihmon në zhvillimin e shikimit dhe gjithashtu është dhe një burim shumë i mirë i beta-karotenit, i cili është shumë i nevojshëm për zhvillimin e bebit gjatë vitit të parë të jetës. Gjithashtu banania e ndihmon bebin gjatë tretjes e ndihmon në trajtimin e  konstipacionit  dhe përveç kësaj ajo është e pasur me kalium, fibra ,vitamin B2, B6 dhe C, që do ta furnizojnë vogëlushin tuaj me energji për të gjithë ditën. Përbërësit: ⦁ 1  karotë ; ⦁ 1 banane; ⦁ 2 lugë qumësht gjiri ose formule. Përgatitja: 1. Në fillim qëroni dhe priteni karotën në forma rrethore; 2. Në një tenxhere me 1 gotë uji, zieni karotën deri...
Read more
Image
SI TE PERGATISIMIN LENGUN E SUPES SE FEMIJES? Ai mund të jetë me bazë perimesh ose mishi dhe mund të përdoret duke zier në të makaronat e bebes, orizin, ose për të përgatitur drithërat (miellin e orizit, miellin e misrit, miellin e tërshërës etj). Si të përgatisim një lëng perimesh? Përbërësit 1 patate e qëruar; 1 kërcell selinoje; 1 kungull; 2-3 gjethe spinaqi; 1 karrotë. Përgatitja I hedhim të gjitha perimet e copëtuara në copa të mëdha në një tenxhere dhe më pas i ziejnë në 1.5 lt ujë për rreth 1 orë. E kulloni dhe më pas e përdorni sipas dëshirës. Mund ta ruani në ngrirje. Si të përgatisim lëngun e mishit? Përbërësit 100 gr mish viçi/pule/lepuri shumë të freskët; 100 gr perime të përziera; 1 lt ujë. Përgatitja I zieni të gjitha bashkë në një tenxhere për rreth 50 minuta dhe e përdorni për supëra të ndryshme pasi e keni kulluar.(pernenat.al)
Read more